15 қыркүйек Алматы қаласы Кәсіпкерлер палатасында ҚСКҚ мүшелерінің өкілдері, сондай-ақ Алматы қаласы бойынша Мемлекеттік кірістер департаменті басшылығы мен бөлімшелерінің басшыларының қатысуымен дөңгелек үстел өтті

15 қыркүйек Алматы қаласы Кәсіпкерлер палатасында Қазақстандық салық кеңесшілер қауымдастығының мүшелерінің өкілдері, сондай-ақ Алматы қаласы бойынша Мемлекеттік кірістер департаменті басшылығы мен бөлімшелерінің басшыларының қатысуымен және Алматы қаласының мамандандырылған ауданаралық әкімшілік сотының судьялары, Алматы қаласы прокуратурасының бөлімшелерінің басшыларының қатысуымен дөңгелек үстел өтті.

Дөңгелек үстелде салық салудың өзекті мәселелері талқыланды. ҚСКҚ өкілдері – салық салу саласында үлкен тәжірибесі бар салық кеңесшілері мен салық заңгерлері мемлекеттік органдар мен бизнес өкілдерімен тәжірибелерімен бөлісіп, проблемалық мәселелерді анықтап, практикалық кеңестерін берді.

Талқыланған мәселелер шартты түрде қолданыстағы заңнамаға өзгерістер енгізуді талап ететін әдістемелік мәселелер және құқық қолдану тәжірибесін өзгертуді талап ететін практикалық мәселелер болып бөлінді. Баяндамашылардың тақырыптары жалпыға бірдей декларациялау, бағалы қағаздар бойынша жеке тұлғаларға салық салу, СНТ жүзеге асырудағы проблемалық мәселелер, сондай-ақ камералдық бақылау хабарламаларына қатысты мәселелер және салық төлеушілерді заңсыз тіркеуді (қайта тіркеуді) танумен байланысты салдарларға қатысты. Баяндамалардың нәтижесінде мемлекеттік органдардың өкілдерімен нәтижелі пікір алмасу болды.

Дөңгелек үстелдің мақсаты – жалпы салық саласындағы сарапшылық қоғамдастықтың, мемлекеттік органдардың және бизнестің өзара іс-қимылын нығайту. Осы кездесуді ұйымдастыруға көмектескен Алматы қаласы Кәсіпкерлер палатасының директоры Айтуар Қошмамбетовке алғыс айтамыз!