16 қаңтар күні Қазақстандық Салық кеңесшілер қауымдастығының алғашқы республикалық конференциясы өтті

Конференцияның тақырыбы – «2026 жылғы Салық кодексі. Бизнес үшін жаңа бағдарлар».

Іс-шара аясында 4 негізгі сессия, сондай-ақ параллель сессия-семинар өтті.

Конференцияны өткізуге көрсеткен қолдауы үшін «BEREKE BANK» АҚ-ға шынайы алғысымызды білдіреміз. Банк шағын және орта бизнесті жүйелі түрде қолдап, заңнамадағы жаңа нормаларды түсіндіруге бағытталған іс-шараларды жетекші салық сарапшыларын тарта отырып ұйымдастырып келеді.

Конференцияның мақсаты – бизнес өкілдеріне жаңа Салық кодексіндегі өзгерістерді түсінуге, 2026 жылы қолданылатын жаңа ережелерді меңгеруге және өзекті мәселелер бойынша практикалық жауаптар алуға көмектесу.

22 спикердің қатарында жетекші салық сарапшылары, ҚСҚҚ мүшелері, Мемлекеттік кірістер комитетінің өкілдері, сондай-ақ әкімшілік соттардың судьялары болды.

Конференцияға қатысушылар қатарында:

• кәсіпкерлер

• бухгалтерлер

• заңгерлер мен адвокаттар

• салық консультанттары болды.

Іс-шара барысында көптеген өзекті сұрақтар қойылып, кәсіби пікірталастар мен пайдалы нетворкинг өтті. Көптеген қатысушылар өз тәжірибесіне тікелей қолдануға болатын нақты әрі практикалық жауаптар алды.

Офлайн форматта 200-ден астам қатысушы,
YouTube платформасындағы тікелей эфирді 9 000-нан астам адам тамашалады.

Конференцияның толық бейнежазбасы сілтеме арқылы қолжетімді.

Барлық спикерлерге, серіктестерге және қатысушыларға сенім білдіріп, белсенділік танытқандары және кәсіби диалогты дамытуға қосқан үлестері үшін алғыс білдіреміз.

ҚСҚҚ іс-шараларында қайта қауышқанша!