2025 жылғы 11 сәуірде Қазақстандық салық кеңесшілерінің қауымдастығының (ҚСКҚ) Басқарма Төрағасы Сәкен Карин ҚР Парламенті Мәжілісінде сөз сөйледі. Ол салық реформасына қатысты бизнес-қоғамдастықтың ұстанымын жеткізді.
Өз сөзінде ол арнаулы салық режимін (АСР) қолдану және B2B секторына қатысты нормаларды өзгерту бойынша ұсыныстардың шағын бизнеске ықтимал кері әсерін атап өтті. Сонымен қатар, адал кәсіпкерлерге қысым көрсетпей, тиімді салық әкімшілендіруді қамтамасыз етудің маңыздылығына назар аударды.